Xəbərlər

İTİF THİK-in təşəbbüsü ilə küçə pişikləri üçün qida və su təmin edilmişdir.

🐾 Sosial məsuliyyət layihəsi çərçivəsində ADNSU THİK-in təşkilatçılığı və İTİF THİK-in təşəbbüsü ilə küçə pişikləri üçün qida və su təmin edilmişdir.

Bu təşəbbüslə cəmiyyətimizdə heyvanlara qarşı qayğı və mərhəmət hissinin təşviq olunmasına töhfə vermək məqsədi daşıyırıq. Unutmayaq ki, kiçik bir qayğı belə böyük bir fərq yarada bilər. ❤️🐱

ADNSU tələbələri qış düşərgəsi çərçivəsində Quba rayonunda yerləşən “Nazlı Bulaq” İstirahət Mərkəzinə səfər ediblər

ADNSU Tələbə Həmkarlar İttifaqı Komitəsinin təşkilatçılığı ilə ADNSU tələbələri qış düşərgəsi çərçivəsində Quba rayonunda yerləşən “Nazlı Bulaq” İstirahət Mərkəzinə səfər ediblər.

Düşərgədə THİK-in fəal üzvləri iştirak ediblər. İki gün ərzində tələbələr asudə vaxtlarını səmərəli şəkildə dəyərləndirib, istirahət edib və əyləncəli proqramlarda iştirak ediblər.

ADNSU tələbələri üçün yaradılan bu şəraitə görə Elm və Təhsil İşçiləri Həmkarlar İttifaqına (ETİHİ) dərin təşəkkürümüzü bildiririk.

20 Yanvar – Ümumxalq Hüzn Günü 20 Yanvar faciəsinin ildönümü ilə əlaqədar olaraq ADNSU THİK kollektivi Şəhidlər Xiyabanını ziyarət etmişdir.

20 Yanvar – Ümumxalq Hüzn Günü

20 Yanvar faciəsinin ildönümü ilə əlaqədar olaraq ADNSU THİK kollektivi Şəhidlər Xiyabanını ziyarət etmişdir. Ziyarət zamanı Vətənimizin azadlığı və xalqımızın müstəqilliyi uğrunda canlarından keçmiş şəhidlərimizin əziz xatirəsi dərin ehtiramla yad edilmiş, məzarları önünə gül dəstələri qoyulmuşdur.

20 Yanvar Azərbaycan xalqının qəhrəmanlıq, mübarizə və azadlıq iradəsinin simvoludur. Bu faciəvi gün tariximizdə həm hüzn, həm də qürur günü kimi daim yaddaşlarda yaşayacaqdır. Şəhidlərimizin ruhu qarşısında baş əyir, onların əziz xatirəsini daim uca tuturuq.

Ruhları şad olsun. 🕊️

SABAH THİK kollektivi olaraq "Nur uşaq evini" ziyarət etdik.

SABAH THİK kollektivi olaraq "Nur uşaq evini" ziyarət etdik.

Balaca qəlblərə sevinc bəxş etmək, üzlərdə yaranan təbəssümü görmək bizim üçün ən böyük dəyərdir.

Birlikdə keçirdiyimiz bu vaxt bizə bir daha xatırlatdı ki, paylaşmaq, qayğı göstərmək və sevgi bəxş etmək cəmiyyətimizi daha da gözəlləşdirir

Uşaqların saf sevinci və səmimi gülüşləri günümüzə xüsusi rəng qatdı.

Bu xoş təşəbbüsün bir parçası olan hər kəsə təşəkkür edirik

İTİF THİK təşəbbüsü ilə "Mehriban" qadın və uşaqlar sığınacağına ziyarət təşkil olundu.

​Azərbaycan Dövlət Neft və Sənaye Universitetinin Tələbə Həmkarlar İttifaqı Komitəsinin (ADNSU THİK) təşkilatçılığı və İnformasiya Texnologiyaları və İdarəetmə Fakültəsinin Tələbə Həmkarlar İttifaqı Komitəsinin (İTİF THİK) təşəbbüsü ilə "Mehriban" qadın və uşaqlar sığınacağına ziyarət təşkil olundu.

​Ziyarətin əsas məqsədi sığınacaqda məskunlaşan qadın və uşaqlara mənəvi dəstək olmaq, onlara tək olmadıqlarını hiss etdirmək və üzlərində kiçik də olsa bir təbəssüm yaratmaq idi.

Həmrəylik və Yeni il nümunəsi olaraq xüsusi stendlər hazırlanmışdır.

24 dekabr tarixində Azərbaycan Dövlət Neft və Sənaye Universitetində hər bir fakültənin Tələbə Həmkarlar İttifaqı Komitəsinin dəstəyi ilə Həmrəylik və Yeni il nümunəsi olaraq xüsusi stendlər hazırlanmışdır.

Hazırlanan stendlər tələbələr arasında birlik, həmrəylik və bayram ruhunun gücləndirilməsinə xidmət etmiş, universitet həyatına yeni il ab-havası qatmışdır.

Azərbaycan Dövlət Neft və Sənaye Universitetinin yaradılmasının 105 illiyinə həsr olunmuş intellektual yarış keçirilmişdir.

13 dekabr tarixində ADNSU Tələbə Həmkarlar İttifaqı Komitəsi, "MAQNAT" İntellektual Oyunlar Klubu və "Olympus Mind" UFAZ İntellektual Oyunlar Klubunun təşkilatçılığı ilə Azərbaycan Dövlət Neft və Sənaye Universitetinin yaradılmasının 105 illiyinə həsr olunmuş intellektual yarış keçirilmişdir.

20 komanda və 100-dən çox iştirakçının qatıldığı bilik müsabiqəsində komandalar arasında gərgin rəqabət yaşanmışdır.

Sonda hamını qabaqlamağı bacaran "FelinAZii" komandası birinci yerə, onlardan sadəcə 4 xal az toplamış "Vendetta" komandası ikinci yerə və maraqlı oyun göstərmiş "Veritas" komandası isə üçüncü yerə çıxmışdır.

Yarışın sonunda qaliblər dəyərli hədiyyələr, diplom, kubok və medallarla mükafatlandırılmışdır.

Bir daha qalib komandaları səmimi qəlbdən təbrik edir, onlara gələcək yarışlarda da uğurlar arzulayırıq.

ADNSU-nun 105 illiyinə həsr olunmuş Basketbol Turniri uğurla başa çatdı!

ADNSU THİK-in təşkilatçılığı ilə ADNSU-nun 105 illiyinə həsr olunmuş Basketbol Turniri uğurla başa çatdı! 🏀

Turnir boyunca komandalar arasında gərgin mübarizə, yüksək oyun səviyyəsi və komanda ruhu nümayiş olundu. Maraqlı və rəqabətli oyunların nəticəsinə əsasən:

🥇 I yer — El TURCO

🥈 II yer — Baybars

🥉 III yer — BG komandası

Qalib komandaları ürəkdən təbrik edir, turnirdə iştirak edən bütün komandalarımıza təşəkkür edirik. Bu cür idman tədbirləri tələbələr arasında sağlam həyat tərzinin, birlik və həmrəyliyin təşviqinə xidmət edir.

ADNSU THİK-in təşkilatçılığı ilə ADNSU-nun 105 illiyinə həsr olunmuş Voleybol Turniri uğurla başa çatdı!

ADNSU THİK-in təşkilatçılığı ilə ADNSU-nun 105 illiyinə həsr olunmuş Voleybol Turniri uğurla başa çatdı! 🏐

Turnir boyunca tələbələr arasında sağlam rəqabət, komanda ruhu və idmana böyük maraq nümayiş etdirildi. Gərgin və maraqlı oyunların nəticəsinə əsasən 614.25E qrupu turnirin qalibi oldu.

Qalib komandanı ürəkdən təbrik edir, iştirak edən bütün komandalarımıza təşəkkür edirik. Bu cür idman tədbirləri tələbələr arasında birlik, həmrəylik və sağlam həyat tərzinin təşviqinə xidmət edir.

ADNSU THİK-in təşkilatçılığı ilə ADNSU-nun 105 illiyinə həsr olunmuş Voleybol Çempionatı davam edir!

ADNSU THİK-in təşkilatçılığı ilə ADNSU-nun 105 illiyinə həsr olunmuş Voleybol Çempionatı davam edir! 🏐

İndiyədək keçirilən oyunlarda aşağıdakı komandalar qalib olmuşdur:

• 521.25 vs 602.25 — qalib: 521.25

• 527.25 vs 233.25 — qalib: 527.25

• 614.24E vs ZU055 — qalib: 614.24E

Çempionat maraqlı və gərgin qarşılaşmalarla davam edir. Bütün komandalara növbəti oyunlarda uğurlar arzulayırıq.

ADNSU THİK-in təşkilatçılığı ilə ADNSU-nun 105 illiyinə həsr olunmuş Futzal Çempionatı uğurla yekunlaşdı.

⚽️ ADNSU THİK-in təşkilatçılığı ilə ADNSU-nun 105 illiyinə həsr olunmuş Futzal Çempionatı uğurla yekunlaşdı.

Çempionat boyunca komandalar həm bacarıqlarını, həm də əsl komanda ruhunu nümayiş etdirərək rəqabətli və dinamik oyunlar seriyası yaşatdılar. Peşəkar yanaşmalarına və fair-play prinsiplərinə sadiq qaldıqları üçün bütün iştirakçı komandalarımıza təşəkkür edirik. 👏

Final qarşılaşması isə xüsusi həyəcanla yadda qaldı:

603.24 və 222.23E komandaları əsas vaxtı 4:4 hesabı ilə tamamlayaraq oyunu penaltilərə daşıdılar. Gərginlik dolu penalti seriyası nəticəsində 603.24 komandası 4:2 hesabı ilə qalib gəlib çempionluq adını qazanmışdır. 🏆🔥

Qalib komandanı təbrik edir, gələcək uğurlarının davamlı olmasını arzulayırıq. ✨

ADNSU THİK olaraq tələbələrin idman və sosial aktivliyini dəstəkləməyə davam edəcəyik. 🤝

ADNSU və UFAZ tələbələrinin iştirakı ilə Şahmat turniri keçirildi

SABAH THİK-in və UFAZ Chess Club-un birgə təşəbbüsü ilə Azərbaycan-Fransız Universitetində ADNSU və UFAZ tələbələrinin iştirakı ilə Şahmat turniri keçirildi. Turnir tələbələrin strateji düşüncə və rəqabət bacarıqlarını gücləndirməklə yanaşı, universitetlərarası dostluq mühitinə də töhfə verdi.

Üstün oyun nümayiş etdirən qalibləri səmimi şəkildə təbrik edir, iştirak edən bütün tələbələrə təşəkkür edirik. Növbəti tədbirlərdə görüşmək ümidi ilə!